پورٹل طرزِ حکومت

                حکومتِ پاکستان نے مختلف مقاصد اور شکایات کے اندراج کے لیے’’ پاکستان سٹیزن پورٹل (PCP)‘‘ قائم کیے ہیں، اس کی تعریف گوگل پر یہ درج ہے:(ترجمہ:) ’’حکومت کی قائم کردہ موبائل اپلیکشن ’’پاکستان سیٹیزن پورٹل (PCP)‘‘،یہ انڈرائیڈ اور آئی فون آپریٹنگ سسٹم دونوں پر دستیاب ہے، اس میں پاکستان کے شہریوں کو مرکزیت حاصل ہے، اس کے ذریعے حکمرانی (Governance)میں شہریوں کی شراکت مطلوب ہے ‘‘۔اسی تناظر میں مختلف محکموں اور شعبوں کے لیے بھی پورٹل اپلیکیشنز متعارف کرائی گئی ہیں۔ قومی ادارہ ٔ شماریات (NADRA)کی اپلیکیشن کی بابت کہاجاتا ہے کہ استعمال جاننے والوں کے لیے مفید ہے، یعنی اگر شناختی کارڈ پہلے بنا ہے اور گم ہوگیا ہے یا تجدید کرانی ہو یا پتا تبدیل کرانا ہے ،تو اس اپلیکیشن کا استعمال مفید ہے، البتہ پہلی بار بنانے والوں کو نادرا کے مرکز میں جانا ہوگا، پاسپورٹ یا ویزے کے لیے یہ سہولت غیر ملکی سفارت خانوں کی طرف سے بھی دستیاب ہے ، اب بہت سے ادارے براہِ راست اشتہار دینے یا درخواستیں وصول کرنے کے بجائے آن لائن درخواستیں لے لیتے ہیں تاکہ اپنے مطلوبہ معیار پرمختلف مراحل سے گزارنے کے بعد مطلوب شخص کا انتخاب کرلیں اور سفارشوں اور دبائو سے بھی نجات مل جائے۔

                 لیکن کسی حاکمِ وقت کا یہ سمجھنا کہ وہ ہفتے میں چند گھنٹے شہریوں کے ٹیلی فون سن کر یا سٹیزن پورٹل قائم کر کے مثالی اور معیاری حکومت اور حاکمیت قائم کرسکتا ہے ، یہ خوش فہمی اور فریبِ نفس ہے۔ ایک وزیرِ اعظم چند گھنٹے ٹیلی فون پر بیٹھ کر تئیس کروڑ شہریوں میں سے کتنوں کے مسائل حل کرلے گا، جبکہ اُسے ان مسائل کے حل کے لیے بھی متعلقہ اداروں سے رجوع کرنا ہوگایا انھیں حکم جاری کرنا ہوگا ، لیکن درحقیقت مسائل متعلقہ شعبے اور محکمے ہی حل کرسکتے ہیں ، وہی سارے ریکارڈ اور حقائق کو دیکھ کر فیصلہ کرسکتے ہیں کہ شکایت درست ہے یا نہیں اور اس کا حل ممکن ہے یا نہیں یا اگر ہے تو اس کا طریقۂ کار کیا ہے۔ اگر اچھی حکمرانی (Good Governance) کا یہ شعار سب سے سہل اور مؤثر ہوتا تو وائٹ ہاؤس اور ٹین ڈائوننگ اسٹریٹ اور دیگر ترقی یافتہ ممالک میں ایوانِ صدر یا ایوانِ وزیر اعظم میں یہ نظام کام کر رہا ہوتا۔

                مثالی حکمرانی اُسے کہتے ہیں کہ حکومت کے قائم کردہ تمام محکمے ، ادارے اور عُمّال اپنی اپنی جگہ صحیح اور بروقت کام کریں ، ہر حق دار کو بلا روک ٹوک اور کسی سفارش یا دھونس دباؤ کے بغیر اس کا حق ملے، رشوت کا چلن نہ ہو ۔ہمارے ہاں اداروں کی اتنی کثرت ہوچکی ہے کہ وہ ریاست پر بہت بڑا مالی بوجھ (Financial Liability)بنتے جارہے ہیں، مثلاً: بدعنوانی (Corruption) کے انسداداوردہشت گردی کو کنٹرول کرنے کے لیے اینٹی کرپشن ڈیپارٹمنٹ ،سی آئی اے،ایف آئی اے ،انٹیلی جنس بیورو،کائونٹر ٹیررازم ڈیپارٹمنٹ(CTD)، نیشنل کائونٹر ٹیررازم اتھارٹی (NACTA)، وفاقی وصوبائی محتسب (Ombudsman)اورقومی ادارۂ احتساب (NAB)وغیرہ، آئی ایس آئی اور ایم آئی کا غالب تعلق انٹیلی جنس کے داخلی اور عالمی نظام سے ہے، یہ ادارے کثیر المقاصد ہیں۔

                اسی طرح حکومت بنیادی اشیائے خوراک کے لیے زرِ تلافی اور زرِ اعانت کے پروگرام بناتی ہے، اُس کے لیے مستحقین کا انتخاب حکومتوں کے لیے ایک مسئلہ ہوتا ہے، اُسی میں خرابیاں نفوذ کرتی ہیں۔ ماضی میں سابق صدر ایوب خان کے زمانے میں اور بعد میں سابق وزیرِ اعظم ذوالفقار علی بھٹو کے زمانے میں راشن ڈپو ئوں کا نظام قائم کیا گیا تھا، اُس وقت تک یہ نظام آٹا اور چینی تک محدود تھا، لیکن بعد میں یہ سلسلہ ختم کردیا گیا ، پھر یوٹیلٹی اسٹورز کارپوریشن کا قیام عمل میں آیا اور اس میں دیگر اشیائے صَرف کا بھی اضافہ کردیا گیا، لیکن ہرصارف کے لیے یوٹیلٹی اسٹور پر جانا مشکل ہوتا ہے، پھر اُس میں بھی معیار کی گراوٹ اور کرپشن کی داستانیں آنا شروع ہوئیں۔

                 ترقی یافتہ ممالک میں حکومتیں بنیادی اشیائے صَرف کی قیمتوں کو حدود میں رکھتی ہیں، خود کاروبار نہیں کرتیں، اسی طرح امریکہ میں بے روزگار اور معمر لوگوں کے لیے فوڈ اسٹمپ کا نظام ہے، لیکن وہ کسی خاص اسٹور سے خریدنے کے پابند نہیں ہیں، کسی بھی جگہ سے جاکر خرید سکتے ہیں۔ پس ضرورت اس امر کی ہے کہ پورے ملک کے لیے بنیادی اشیائے ضرورت کی حد تک ایک ایساجامع نظام تشکیل دیا جائے کہ وہ ہر شہری کی رسائی میں ہو۔ موجودہ حکومت سابق حکومتوں پر طنز کرتی رہتی ہے کہ وہ اعلیٰ درجے کے اسپتال نہیں بناسکے، لیکن خود موجودہ حکومت بھی اپنے سواتین برسوں میں ایسا کوئی کارنامہ انجام نہیں دے سکی، بس ’’انصاف صحت کارڈ‘‘ جاری کیے ہیں ، جو قابلِ تحسین بات ہے، لیکن آگے چل کر اس میں بھی کرپشن کے راستے کھل جائیں گے، کیا ہی اچھا ہوتا کہ بجٹ میں مختص کردہ اس رقم سے ڈسٹرکٹ یا ڈویژنل ہیڈ کوارٹر کی سطح تک اچھے اسپتال بنائے جاتے ،پہلے سے موجود اسپتالوں کی استعدادِ کار بڑھائی جاتی ، جہاں معیاری دوائیں مفت فراہم ہوتیں، ہر طرح کے آپریشن کی سہولت ہوتی اور جولوگ پرائیویٹ اسپتالوں کے اخراجات کے متحمل نہیں ہوسکتے، انھیں علاج کی سہولتیں مفت دستیاب ہوتیں۔

                ہمارے ہاں کورونا کی وبا کا مقابلہ کرنے کے لیے عالمی اداروں اور بعض ممالک کی طرف سے اعانتی رقوم آئیں، جن کی مقدار ساڑھے گیارہ کھرب روپے بتائی جارہی ہے، کہاجاتا ہے کہ اس کی بابت آئی ایم ایف کی ہدایات تھیں کہ حکومتِ پاکستان اس کی آڈٹ رپورٹ اپنی وزارتِ خزانہ کی ویب سائٹ پرڈالے۔ پوری رقم کی بابت کوئی معلومات دستیاب نہیں ہیں ، لیکن تقریباً ساڑھے تین سو ارب کی رقم کا آڈیٹر جنرل آف پاکستان نے آڈٹ کیا اور اس میں بڑے پیمانے پر بے ضابطگیوں کی نشاندہی کی ،پہلے اس رپورٹ کو چھپایا گیا اور اب مجبوراً ویب سائٹ پر ڈال دیا گیا ہے اور میڈیا کے ذریعے عوام کو پتا چلا کہ اس میں شفافیت نہیں ہے، بے ضابطگیاں ہیں ، خرید وفروخت کے لیے حکومت کے جو مسلّمہ معیارات ہیں ، اُن سے انحراف کیا گیا ہے اور اس طرح پورے نظام پر اعتماد کو ٹھیس پہنچی ہے۔ موجودہ حکومت کے دور میں مختلف اسکینڈل آئے، مثلاً: چینی اسکینڈل، آٹا اسکینڈل، میڈیسن اسکینڈل، پٹرول جب عالمی سطح پرحالیہ تاریخ کی سب سے نچلی سطح پر تھا، تو اُس وقت اسے کیوں نہ درآمد کیا گیا۔اسی طرح سابق حکومت کو توایل این جی کے مہنگے درآمدی سودوں کی بابت ملامت کیا جاتا رہا ہے، مگر اب اُس سے کئی گنا زیادہ قیمت پرایل این جی درآمد اور فروخت کی جارہی ہے اور اس کے باوجود ملکی ضروریات کے لیے ناکافی ہے، بروقت منصوبہ بندی نہیں کی گئی اور نا اہلی کے سبب پوری قوم یہ سزا بھگت رہی ہے ، مگر کبھی بھی اس بحران کے ذمے داروں کا تعیّن نہیں کیا گیا ۔ براڈ شیٹ معاہدہ جو فوجی جنرلوں اور اُس وقت کے پراسیکیوٹر جنرل شیخ عظمت سعید نے کیا، جو بعد میں سپریم کورٹ آف پاکستان کے جج بنے ، اس معاہدے سے پاکستان کو حاصل تو کچھ نہ ہوا، مگر کئی ملین ڈالر جرمانے کے طور پر ادا کردیے گئے، مگر اسے بھی دفن کردیا گیا اور دودھ کی رکھوالی بلی سے کرانے کے مصداق شیخ عظمت سعید جو اس کا حصہ رہے، ان پر مشتمل یک نفری انکوائری کمیشن بنایا گیا اور پھر اسے ہمیشہ کے لیے دفن کردیا گیا ۔

                خود رائی ، خود بینی ، خود غرضی ، انا پرستی ،برخود راستی ، عُجبِ نفس اور نَخوت وکِبروغرور ایک نفسیاتی بیماری ہے اور اس میں ہمارے وزیرِ اعظم مبتلا ہیں،سوا تین برس حکومت سے لطف اندوز ہونے کے باوجود وہ ماضی کے حکمرانوں کی کرپشن کی داستانوں پر جی رہے ہیں، اُن کے کشکول میں اپنا کوئی ایسا کارنامہ نہیں ہے جسے مارکیٹ میں عوام کی پذیرائی کے لیے پیش کرسکیں۔ بس اُن کی ایک جیسی تقریریں اور خطابات ہیں جو قوم گزشتہ ایک عشرے سے زیادہ عرصے سے سُن رہی ہے ، لیکن اب بھی وزیر اعظم کو یقین نہیں آرہا کہ یہ تقریریں قوم کو اَزبر ہوچکی ہیں اور اب ان میں کوئی کشش باقی نہیں رہی ، بلکہ لوگوں کی طبیعت پر گراں گزرتی ہیں اور جن لوگوں کو سنانے کے لیے کی جارہی ہیں ، انھیں ٹی وی سے دور رکھنے کا سبب بن رہی ہیں ۔

                اب ماہرینِ معیشت کے نزدیک تازیانۂ عبرت برسنے کو ہے ، ملک کے مجموعی قرضے عنقریب جی ڈی پی کے برابر ہونے جارہے ہیں، ملک کے اثاثے گروی رکھے جارہے ہیں ، آئی ایم ایف کا حالیہ پیکج اور سعودی عرب سے جو تازہ ترین قرض لیا ہے، اس کی شرائط ہولنا ک ہیں اور اگر ملک اسی ڈگر پرچلتا رہا تو کسی کے لیے بھی اس کا سنبھالنا مشکل ہوجائے گا، یہی وجہ ہے کہ پیپلز پارٹی کے سوا پارلیمنٹ کے اندر تبدیلی کے لیے کوئی بھی تیار نہیں ہے ، کیونکہ جب تک کوئی پارٹی عوام سے واضح مینڈیٹ لے کر نہ آئے ، اس کے لیے جاری نظام میں کوئی جوہری تبدیلی لانا ممکن نہیں ہوگا ۔ مسائل بدستور ناقابلِ حل ہوتے جارہے ہیں ، لیکن وسط مدتی تازہ انتخابات کے سوا کوئی اور قابلِ عمل فارمولا نہیں ہے ۔ جو باتیں سرگوشیوں میں کی جارہی تھیں، اب سوشل میڈیا پراس کا صوت وآہنگ بلند ہوگیا ہے اور موجودہ نظام کوناکام ہائی برِڈ نظام سے تعبیر کیا جارہا ہے، الغرض منصوبہ بندی کرنے والوں نے 2018ء میں جو خواب دیکھا تھا، اس کی تعبیر نہایت بھیانک ہے، لیکن وزیر اعظم اور ان کی ٹیم کو یا تو اس کا اِدراک نہیں ہے یا تجاہلِ عارفانہ ،خود فریبی وفریب دہی سے کام لے رہے ہیں ۔ سب سے بڑا المیہ یہ ہے کہ وزیر اعظم کے مقرّبین اور درباریوں میں سے کسی کی مجال نہیں ہے کہ وہ اُن کے سامنے حقائق بیان کریں یا ناکامیوں کی نشاندہی کریں یا بیتُ الجِنّ (ایوانِ اقتدار)سے باہر جو حالات ہیں، اُن کی صحیح تصویر اُن کے سامنے پیش کریں، البتہ وزیر مذہبی امور اُن کو ’’امام العاشقین ‘‘ثابت کرنے پر تُلے ہوئے ہیں اور اس کی قسم کھانے کے لیے تیار ہیں ، حالانکہ عشقِ مصطفی کا زبانی دعووں سے کوئی تعلق نہیں ہے، اس کا اظہار عمل ، رویے اور کردار سے ہوتا ہے ، فارسی ضرب المثل کا ترجمہ ہے: ’’مشک وہ ہے جو خود خوشبو دے، نہ کہ عطر فروش اس کے قصیدے پڑھے‘‘،نیز :’’خوب رواور دلربا چہرے کو بناؤ سنگھار کی ضرورت نہیں ہوتی‘‘۔

View : 148

9 thoughts on “پورٹل طرزِ حکومت”

  1. The next time I read a blog, Hopefully it does not fail me just as much as this particular one. I mean, Yes, it was my choice to read through, but I truly believed youd have something helpful to talk about. All I hear is a bunch of moaning about something you could possibly fix if you werent too busy seeking attention.

  2. May I simply say what a relief to uncover somebody that really understands what theyre discussing over the internet. You certainly know how to bring a problem to light and make it important. More and more people really need to check this out and understand this side of the story. I was surprised that youre not more popular because you certainly have the gift.

  3. I don’t need to tell you how important it is to optimize every step in your SEO pipeline. But unfortunately, it’s nearly impossible to cut out time or money when it comes to getting good content. At least that’s what I thought until I came across Article Forge… Built by a team of AI researchers from MIT, Carnegie Mellon, Harvard, Article Forge is an artificial intelligence (AI) powered content writer that uses deep learning models to write entire articles about any topic in less than 60 seconds. Their team trained AI models on millions of articles to teach Article Forge how to draw connections between topics so that each article it writes is relevant, interesting and useful. All their hard work means you just enter a few keywords and Article Forge will write a complete article from scratch making sure every thought flows naturally into the next, resulting in readable, high quality, and unique content. Put simply, this is a secret weapon for anyone who needs content. I get how impossible that sounds so you need to see how Article Forge writes a complete article in less than 60 seconds! order here.

  4. I was extremely pleased to discover this page. I want to to thank you for ones time due to this wonderful read!! I definitely appreciated every part of it and I have you bookmarked to look at new information on your web site.

Leave a Comment

Your email address will not be published.